Šoutjärv’ on külä Prionežjen raionas Karjalan valdkundas. Se om Änižjärven randal 84 kilometrad Patroskoišpäi. Küläs eläb pohjoiž-vepsläižid. Šoutjärv’ on pohjoiž-vepsläižiden keskuskülä.

Vepsän etnokulturine keskus

Vepsän etnokulturine keskus om Rürik Loninan etnografižes muzejas, kudamb letihe toižel XIX voz’sadan polel (1814 v. ) elokahan külänikan Mel’kinan täht. Mel’kin toskeli londuzkivid (babarmmujušt kvarcitad, gabbro-diabazad) Piterin i Petroskoin pertiden lendandan täht. Mel’kinan pert’ — nece om tipiline pohjoižvepsläine elopert’. Bohat dekorativine ornament oli znamasine toižiden-ki pohjoižvepsläižiden pertiden täht.

Muzeikävelusiden, tundištoituzmatkoiden aigan avtobusoil, lekcijoiden i praznikoiden aigan sid’ tundištoittas adivoid vepsläižiden istorijanke, tahoiden geografižen sijanke, tradicionaližen elonke, ozutadas tipiližid pertid, sädoid, rahvahan mahtoid i rahvahan mastariden kaluid.

Ekskursijoiden i lekcijoiden aigan kävutadas nügüdläšt tehnologijad. Ekskursijad i urokčasud openikoiden täht tehtas ottes homaičushe školprogrammad, ned ližadaba tedoid istorijan, geografijan, literaturan, kodimantedon kursihe i abutaba tehta bohatamb i melentartuižemb joudajad lapsiden i aigvoččiden eläjiden aigad.